Продюсер Гүлзира Айдарбекова Мөлдір Мұқановаға берген сұхбатында жас келіндердің ене мен күйеу арасындағы қарым-қатынасына қатысты пікір білдірді, деп жазады turkystan.kz.
Ол қазіргі келіндердің көпшілігі отбасына келген сәттен-ақ кейбір қателіктерге жол беретінін атап өтті.
"Әр баланың артында анасы тұрады, әйелінен бұрын анасы тұрады. Ана деген анасына жол көрсетіп, қайтсем жақсы қыламын деп жүреді. Ал соны қызғанатындар бар. Екі қошқардың басы бір қазанға сыймайды деген. Соған сәл төзсе өзінің ақылдылығымен енесін де орнына қоя алады, күйеуін де орнына қоя алады. Ақылды әйелге ол түк емес. Бірақ енесіне қарсы келіп, күйеуіне ренжіп ақымақтық жасайды. Басынан бастап енеге, ағайындарға сыйлы болса, өмірбақи ол келін жақсы болып өтеді. Ал келген бойдан өз үйінің тәртібін жүргізіп, есіктен кіріп төр менікі дейтіндер көп қазір", - деді Гүлзира Айдарбекова.