Алматыда жантүршігерлік жол апатынан 5 адам зардап шекті, деп хабарлайды turkystan.kz.
Алматы ПД баспасөз қызметінің мәліметінше, жол апаты шамамен 4:20-де Әуезов ауданында болған.
"Оңтүстік бағытта Сайын көшесімен келе жатқан BMW жүргізушісі қатар ауыстыру кезінде сол бағытта қозғалып келе жатқан Chevrolet автокөлігімен соқтығысқан. Кейін соқтығысудың инерциясымен BMW Сайын көшесінің батыс жиегіндегі ағашқа соғылған", - делінген хабарламада.
Салдарынан екі жүргізуші және BMW көлігінің үш жолаушысы жарақат алды. Бес адам медициналық көмекке жүгінген.