Ұлытау облысы Жаңаарқа ауданында Қазақстанда алғаш рет бір ауданның тігіншілері өңірге тән ұлттық нақыштағы 500 шапан тігіп, Қазақстан рекордтар кітабына енді, деп хабарлайды turkystan.kz.
Облыс әкімдігінің ақпаратынша, ерекше жобаға 17 тігінші қатысып, әрқайсысы орта есеппен 33 шапаннан тіккен. Шапандар өңірдің тарихи, мәдени ерекшеліктерін қамтитын бірегей үлгіде дайындалған.