6 қазан күні Ішкі істер министрлігінде үкіметтік емес ұйымдардың өкілдерімен "Заң мен Тәртіп – біріккен қоғамның негізі: азаматтық сектордың рөлі" тақырыбында кездесу өтті, деп хабарлайды turkystan.kz.
Кездесуге Ішкі істер министрінің орынбасары қатысты. Іс-шара Қазақстанның XII Азаматтық форумына дайындық шеңберінде өткізілді.
Жиынның негізгі мақсаты – сындарлы диалогты дамыту және әлеуметтік және құқық қорғау салаларында мемлекеттік саясатты жетілдіру бойынша ұсыныстар әзірлеу.
Кездесу барысында азаматтық қоғам өкілдері ішкі істер органдарымен, оның ішінде салалардағы өзара іс-қимыл бойынша ойларын ортаға салды. Атап айтқанда, қоғамдық қауіпсіздікті қамтамасыз ету, құқық бұзушылықтардың алдын алу, азаматтардың құқықтарын қорғау, отбасылық-тұрмыстық зорлық-зомбылықтың алдын алу, балалар қылмысының алдын алу және балалардың құқықтарын қорғау, есірткі қылмысына қарсы іс-қимыл, киберқылмысқа қарсы күрес, экстремизм мен радикалданудың алдын алу, адам құқықтарын қорғау, сотталғандарға құқықтық көмек және қайта әлеуметтендіру, кадрлық даму саласындағы өз ұсыныстарын ұсынды.
Бұдан басқа, цифрлық шешімдерді енгізу тәжірибесі, ІІМ-нің ҮЕҰ-мен ынтымақтастығы және бірлескен әлеуметтік бастамаларды іске асыру туралы ақпарат ұсынылды.
Форумға дайындық шеңберінде меморандумдарға қол қойылды, мемлекеттік органдар мен азаматтық қоғам институттары арасындағы әріптестікті нығайтуға бағытталған презентациялар мен тақырыптық талқылаулар өткізілді.
Еске сала кетейік, Қазақстанның XII Азаматтық форумы 15-16 қазанда "Азаматтық қоғам: сенім. Әділдік. Бірлік" атты ортақ тақырыппен өтеді.