Samsung ойды оқуға мүмкіндік беретін жаңа құлаққап жасап жатыр. Ол сіздің ми белсенділігін құлақ айналасындағы датчиктер арқылы оқиды. Құлаққаптар 92,86% дәлдікпен қандай видеолар, музыка немесе тағамдар сізге ұнайтынын болжай алады, деп хабарлайды turkystan.kz ieeexplore.ieee.org-ке сілтеме жасап.
Компания құлаққаптарды бастапқыда білім беру саласында қолдануды көздейді, мысалы, студенттің назарын ұстап тұратын материалдарды таңдау үшін.
Алайда басты мақсат – жарнама саласында революция жасау.
Бұл құрылғының жұмыс принципі — ми толқындарын талдау арқылы адамның көңіл-күйін, шаршағанын немесе іші пысқанын анықтау. Осы ақпаратты қолдана отырып, жүйе сізге ең сәйкес келетін контент ұсына алады.