Алматыда Ұстаздар күні қарсаңында екі мыңнан астам оқушы қатысқан ауқымды флешмоб өтті. Бұл туралы Алматы қаласы әкімдігі хабарлады.
«Ұстаздарға тағзым!» атты әннің әуенімен балалар ел ұстаздарына алғыс пен ризашылық білдірді.
Бұл жүрекжарды орындау ұстаз еңбегіне деген құрметтің нышанына айналып, педагогтердің жас ұрпақты тәрбиелеу мен білім берудегі өлшеусіз үлесін айқындады.
Ауқымды флешмоб әр жастағы мектеп оқушыларын біріктіріп, өмірін білім беру ісіне арнаған жандарға арналған нағыз мерекелік қойылымға айналды.