Шығыс Қазақстан облысының Алтай аудандық соты жауапкершілігі шектеулі серіктестікті қаза болған жүргізушінің отбасына 11 млн теңге көлемінде моральдық өтемақы төлеуге міндеттеді. Ер адам 2023 жылы еңбек міндетін атқару кезінде көз жұмған, деп хабарлайды turkystan.kz.
ЖШС жүргізушісі 2023 жылы жұмыс орнында қаза тапты. Қайғылы жағдайдың себебі – жұмыс берушінің еңбек қауіпсіздігі талаптарын 100 пайыз сақтамауы.
Алдымен компания жесірімен 8 млн теңге төлеу жөнінде келісімге келген. Алайда марқұмның отбасы – жұбайы мен әпкелері – бұл соманы жеткіліксіз деп санап, сотқа жүгінді.
Алтай аудандық соты тергеу актісін, асыраушысынан айырылудың эмоционалдық және психологиялық салдарын ескере отырып, ЖШС-тен 11 млн теңге өндіріп алу туралы шешім қабылдады: үш баласына – әрқайсысына 3 млн теңгеден, әпкелеріне – 1 млн теңгеден.
«Жақын туысының қаза болуы талапкерлерге елеулі моральдық зиян келтірді. Ағайының өлімі әпкелеріне ауыр соққы болды, ал жесірі үш кәмелетке толмаған баламен қалды. Оларды тәрбиелеу мен қамтамасыз ету енді толықтай оның мойнына жүктелді», – деді сот.
Компания сот шешіміне шағымдануға тырысқанымен, апелляциялық инстанция оны өзгеріссіз қалдырды. Шешім заңды күшіне енді.