Талғарда қыркүйектің ортасында жоғалған 40 жастағы ер адам өлі табылды. Бұған дейін Lider.kz еріктілерінің Instagram-парақшасында ер адамның жоғалғаны жарияланған болатын, деп хабарлайды turkystan.kz Tengrinews.kz-ке сілтеме жасап.
Карлов Станислав Анатольевич 1986 жылы дүниеге келген. Ол 13 қыркүйекте жоғалған. Таңғы алты шамасында ер адам Талғар қаласы, Ломоносов көшесі 20-үйден шығып кеткен.
Сипаттамасы: бойы 170–175 сантиметр, арық дене бітімді, шашы қара, қысқа сақал-мұрт қойған.
Киген киімі: қара түсті капюшоны бар күрте, қара кепка, қара сөмкесі болған.
Еріктілердің айтуынша, ер адамның денесі Талғарда зорлық-зомбылық белгілерінсіз табылған. Қайтыс болу себебін сараптама анықтайды.