Ақтөбе облысының Қарғалы ауданында ер адам интернет-алаяқтардың құрбаны болды, деп хабарлайды turkystan.kz.
Ол Telegram мессенджеріндегі жарнамаға сеніп қалған: онда TikTok-тағы видеоларды қарап, лайк басып, скриншот жіберу арқылы әр тапсырмаға 300-ден 800 теңгеге дейін табыс табуға болады деп уәде етілген.
Жәбірленуші upjue.com сайтында тіркеліп, онда оған тапсырмалар беріліп, фильмдер сатып алуды ұсынған. Алаяқтар салынған қаржы 30%-ға дейін пайда әкеледі деп сендірген.
«Әкімшінің» нұсқауына сай ер адам көрсетілген шоттарға ақша аудара бастаған. Нәтижесінде ол 2 миллион теңгеден астам қаржысынан айырылды.
Аталған факті бойынша тергеу басталды.