Мемлекет басшысы БҰҰ Бас Ассамблеясы 80-ші сессиясының Жалпы дебатындағы сөз соңында шетелдегі жаһандық басқаруды қолдау Қазақстанның басты бағдары екенін айрықша атап өтті, деп хабарлайды turkystan.kz.
«Ел ішіндегі мемлекеттік басқару реформаларын тереңдету және шетелдегі жаһандық басқаруды қолдау – басты бағдарымыз. Біз бұл бағытты берік ұстанамыз.
Қазақстан араағайындық және бітімгер рөлін жалғастырады. Біздің таңдауымыз: үстемдік емес – тепе-теңдік, жіктелу емес – ынтымақтастық, соғыс емес – бейбітшілік.
Біз халықаралық қоғамдастықтың басқа да мүшелерімен бірлесе отырып, Біріккен Ұлттар Ұйымының бейбітшілік, әділеттілік және ынтымақтастық шамшырағы екенін растауға дайынбыз. Рақмет!», – деді Мемлекет басшысы.