Жамбыл облысында шекарада заңсыз темекі тәркіленді, деп хабарлайды Ұлттық қауіпсіздік комитеті.
12 қыркүйекте Жамбыл облысындағы шекарада Ұлттық қауіпсіздік комитетінің шекара қызметі жүк пойызын тексеру барысында 890 980 темекі қорабын тапты.
"Темекі бұйымдарын құрылыс материалдары түрінде мемлекеттік шекарадан ілеспе құжаттарсыз алып өтпек болған. Алдын ала бағалау бойынша тауардың құны 600 млн теңгеден асады", - дейді ведомство.
Жүк вагоны ажыратылып, процессуалдық әрекеттер жүргізіліп жатыр.