Бокстан Қазақстан құрамасының мүшесі Сабыржан Аққалықов бокстан Ливерпульде (Ұлыбритания) өтіп жатқан әлем чемпионатындағы алғашқы жекпе-жегінде қарсыласына есе жіберді, деп хабарлайды turkystan.kz.
75 келіге дейінгі салмақта ел намысын қорғаған Сабыржан алғашқы айналымда Украина елінің өкілі Павел Ильюшамен кездесті.
Жекпе-жек қорытындысы бойынша төрешілердің шешімімен украиналық боксшы жеңіске жетті.
Осылайша, Қазақстан құрамасы сапында алғашқы боксшы жарыс жолынан шығып қалды.