Абай облысының Үржар ауданындағы жол-көлік оқиғасынан зардап шегіп, Астанаға жеткізілген екі баланың жағдайы жақсарды.
Ауыр жарақат алған балалар №2 көпбейінді балалар ауруханасына жатқызылған болатын. Денсаулық сақтау министрі Ақмарал Әлназарованың айтуынша көптеген ауыр жарақатпен келген қыздың жағдайы тұрақтандырылды, оған сәтті операция жасалған. Қазір оның өміріне ешқандай қауіп төнбейді.
"7 жасар балаға бүгін сүйектерін бекіту үшін арнайы металл стержендерді пайдаланып, жіліншігіне операция жасалды", - деді министр.
Еске сала кетейік, 19 тамызда Бестерек ауылында жүргізуші 6 баланы қағып кетіп, үшеуі көз жұмды.
Жүргізуші эпилепсия диагнозымен есепте тұрған болып шықты.