Әнші Мирас Жүгінісов 7 қыркүйекте Алматының Орталық стадионында өтуі керек болған концерті кейінге шегерілгенін хабарлады, деп хабарлайды turkystan.kz.
Өнер иесінің жазуынша, жоспарланған концерті белгілі бір себептерге байланысты кейінге ауыстырылған.
«Бұл шешімді қабылдау біз үшін оңай болмады. Алайда тыңдармандарымызға ең жоғары деңгейдегі шоу сыйлау – біздің басты мақсатымыз. Сондықтан барлық дайындықты толық әрі сапалы өткізу үшін уақытты қайта қарастыруға мәжбүр болдық.
Бұл жаңалық сіздер үшін күтпеген жағдай болғанын жақсы түсінеміз. Сол себепті әрбір жанкүйерден кешірім сұрай отырып, түсіністікпен қарауларыңызды сұраймыз», – деп жазды Мирас Жүгінісов.
Сондай-ақ әнші бұған дейін сатып алған барлық билет келесі концерт кезінде жарамды болатынын, концерттің нақты өтетін күні жақын арада қосымша хабарланатынын еске салды.