Бүгін, 28 тамызда астана қаласы мен Қазақстанның бірқатар аймақтарында ауа райы күрт өзгеріп, ыстық, найзағай, бұршақ пен шаңды дауыл болады деп болжануда. Бұл туралы «Қазгидромет» РМК мәлімдеді.
Астанада күндіз ауа температурасы +35°С дейін көтеріліп, өрт қаупі жоғары деңгейде сақталады.
Аймақтар бойынша болжам:
Абай облысы – солтүстік-шығыс бағыттағы жел екпіні 15-20 м/с.
Атырау облысы – батысында, оңтүстігінде, шығысында найзағай, шығысында төтенше өрт қаупі сақталады.
Ақтөбе облысы – солтүстікте желдің күші 15 м/с, оңтүстігінде төтенше өрт қаупі.
Ақмола облысы – найзағай, күндіз +35°С аптап, жел 15-20 м/с дейін.
ШҚО – желдің екпіні 20 м/с, өрт қаупі жоғары.
Жамбыл, Жетісу облыстары – желдің күшеюі 15-20 м/с.
Батыс Қазақстан облысы – түнде және таңертең тұман, оңтүстігінде өрт қаупі жоғары.
Қарағанды облысы – күндіз +35°С ыстық, кей өңірлерінде төтенше өрт қаупі сақталады.
Қызылорда облысы – шаңды дауыл, күндіз +40°С аптап.
Қостанай облысы – найзағай, бұршақ, жел екпіні 20 м/с дейін.
Маңғыстау облысы – шаңды дауыл, күндіз +38°С, төтенше өрт қаупі.
Солтүстік Қазақстан облысы – найзағай, тұман, желдің күшеюі 15-20 м/с.
Ұлытау облысы – күндіз +35…+38°С ыстық, өрт қаупі жоғары.
Мамандар тұрғындарды сақтық шараларын сақтауға, алыс жолға шыққанда ауа райы болжамын ескеруге шақырады.