Пәкістанның шығысындағы қатты су тасқынына байланысты жедел жәрдем қызметі 100 мыңнан астам адамды қауіпсіз жерге көшіруге мәжбүр болды, деп хабарлайды turkystan.kz.
Бұл туралы Associated Press (AP) агенттігі Пәкістанның табиғи апаттармен күрес басқармасына сілтеме жасай отырып хабарлады.
Агенттік: "Шығыс Пенджаб провинциясының түрлі аймақтарында эвакуация жұмыстары жүріп жатыр. Құтқарушылар Касур ауданынан 14 мыңнан астам адамды және шекара маңындағы Бахавалнагар қаласынан 89 мыңнан астам адамды қауіпсіз жерлерге көшірді", - деп жазады.
Пәкістан билігі азаматтарды ойпаттардан аулақ болуға және су қоймаларына жақындамауға шақырады. Елде муссондық жаңбыр маусымына байланысты су тасқыны қаупі туралы ескерту әлі де күшінде.
AP Пәкістан тарапының пікірінше, су деңгейінің көтерілуіне, соның ішінде Үндістанның толып кеткен су қоймаларынан төменгі ағыстағы аудандарға суды ағызуы себеп болғанын түсіндіреді. Сонымен қатар, агенттік Үндістанның Пәкістанға трансшекаралық су тасқыны туралы ескертуі соңғы айлардағы екі ел арасындағы алғашқы ресми байланыс болғанын атап өтеді.
2025 жылдың сәуір айында басталған екі ел арасындағы жаңа шиеленіс кезеңінде Үндістан келісімді тоқтата тұрып, кейбір өзендердегі бөгеттердегі шлюздерді жауып тастаған болатын.