Уганданың орталық ауданында жолды кесіп өткен пілмен автобус соқтығысып, екі адам қаза тапты, деп хабарлайды turkystan.kz.
Oxu.Az хабарлағандай, жол-көлік оқиғасы 25 тамыз күні таңертең ерте Карума қаласының маңында болған.
Гулудан Кампалаға бет алған автобус Мерчисон-Фоллс ұлттық паркінен шыққан төрт пілдің біріне соғылған. Оқиға салдарынан автобус жүргізушісі мен оның артында отырған жолаушы әйел қаза тапты. Алты адам ауыр жарақаттарымен жақын маңдағы ауруханаға жеткізілді, ал бірқатар жолаушылар жеңіл жарақаттарымен басқа ауруханаға жөнелтілді.
Жануардың тағдыры туралы ақпарат берілген жоқ. Полиция апаттың себептерін анықтау үшін тергеу жүргізіп жатыр.
Сарапшылардың айтуынша, негізгі мәселе – Уганданың ұлттық парктерінің жанынан өтетін қарбалас жолдардың бойында қоршаулар мен тосқауылдардың болмауы. Бұл жағдай жиі адамдардың да, жабайы жануарлардың да қаза болуына әкелетін соқтығыстарға себеп болады.