Астанадағы тұрғын үйлердің бірінің терезесінен секірген 6 жастағы бала өлім аузынан қалды, деп хабарлайды turkystan.kz.
Қазір бала ауыр жағдайда жансақтау бөлімінде жатыр. Бұл туралы денсаулық сақтау басқармасы жариялады. 2019 жылы туған ұл бала көптеген әртүрлі жарақаттармен шұғыл түрде №2 Көпсалалы қалалық балалар ауруханасына жеткізілді.
Оқиға орнына жедел жәрдем жылдам жетті. Ұл бала есін жиып, жылап жатқан. Дәрігерлер алғашқы көмекті оқиға орнында көрсетіп, куәгерлермен бірге баланы көлікке көтеріп апарды.
Балақайдың анасы шок жағдайында болды, ал оқиға орнына оның үлкен ағалары да келді. Түркістан көшесіндегі көпқабатты үйдің биіктігінен құлаған сәби ғажайыптың күшімен аман қалды. Бұл жайында оқиғаның куәгері ШыңғысТүсіпбаев Instagram парақшасында хабарлады.
Бала карниздің үстінде ес-түссіз жатқан, ал екінші қабаттағы пәтердің әйел тұрғыны оны төменге сырғып кетпеуі үшін қолынан ұстап тұрған. Жанынан өткен адамдар көмекке ұмтылды: біреулер төменде көрпені дайындап тұрды, ал Абай, Қыдыралы және аты белгісіз тағы бір жігіт екінші қабаттағы пәтерге жүгіріп кірді. Абай терезеден өтіп, баланы шатыршадан көтеріп алды.