Түркияның Балыкесир қаласындағы Сындыргы ауданында магнитудасы 6,1 болатын жер сілкінісі болды, деп хабарлайды turkystan.kz сайты Hürriyet басылымына сілтеме жасап.
Жер сілкінісі Ыстамбұл, Бурса, Балыкесир, Коджаэли және көршілес облыстарда да сезілді.
Бұл дүмпуден кейін аймақта бірнеше афтершок болды.
Өңірге барған Ішкі істер министрі Ерликая өз сөзінде Балыкесирдегі жер сілкінісінде қиранды астынан шығарылған 81 жастағы азаматты барлық күш-жігерге қарамастан құтқару мүмкін болмағанын хабарлады.
«Бізде 29 зардап шеккен бар. Олардың арасында ауыр жарақат алғандар жоқ. Осы ғимараттағы іздестіру-құтқару жұмыстары аяқталды. 16 елді мекенде қираған ғимарат бар. Соның 12-сі бос тұрған, ал төртеуінде адамдар тұрған. Бұл үйлердегі азаматтар өз күшімен аман шықты», — деді.
Балыкесир губернаторлығы білім беретін жазғы мектептердің жабылатынын, сондай-ақ мемлекеттік мекемелер мен ұйымдарда жұмыс істейтін жүкті және мүмкіндігі шектеулі қызметкерлерге әкімшілік демалыс берілетінін мәлімдеді.
Түні бойы жалғасқан жұмыстардан кейін таң ата қираған ғимарат дрон арқылы әуеден түсірілді.
Балыкесирде бірінен соң бірі жер сілкіністері болды. Сағат 19:53-те орталығы Сындыргы ауданында болған магнитудасы 6,1 дүмпу тіркелді. Ең күштінің магнитудасы 4,6 болған афтершок та анықталды. Төменде аймақтағы оқиғалардың минут сайынғы деректері берілген