Ішкі істер министрлігінің бастамасымен 3-13 тамыз аралығында Шығыс Қазақстан облысында Ғазиз Байтасов атындағы Жас жол инспекторларының республикалық жиырмасыншы мерейтойлық слеті бастау алды, деп хабарлайды turkystan.kz.
Ауқымды іс-шараға еліміздің 20 өңірінен, сондай-ақ ТМД елдерінен келген командалар қатысады. Жалпы саны 140-тан астам бала жиналды.
Слетке қатысушы балалардың қауіпсіздігін қамтамасыз ету мақсатында Шығыс Қазақстан облысының Полиция департаменті әр өңірден келген командаларды күтіп алып, «Дарын» лагеріне дейін қауіпсіз жеткізуді қамтамасыз етті.