ҰҚК Шекара қызметі шекара кеңістігінде Қазақстан Республикасының заңнамасын бұзған 4 725 адамды ұстады. Оның 4 132-і шетел азаматы, деп хабарлайды turkystan.kz.
Мемлекеттік шекара арқылы 1 462 заңсыз алып өту фактілерінің алды алынды, соның ішінде:
60 факті – қарулар мен оқ-дәрілер;
25 факті – діни әдебиет (627 дана);
524 факті – жалпы мөлшері 35 тоннаға жуық жанар-жағармай материалдары;
682 факті – жалпы сомасы 4,2 млрд теңгеден астам халық тұтыну тауарлары;
171 факті – жалпы сомасы 1,7 млрд теңгеден астам шетел валютасы.
Каспий акваториясында 51 браконьерлік фактінің алды алынды, сондай-ақ:
14 дана - жүзу құралдары;
шамамен 20 км - торды құрайтын браконьерлік аулау құралдары.
Алды алынған залал сомасы шамамен 116 млн теңгені құрайды.
Бұл фактілер бойынша материалдар бұзушыларды жауапкершілікке тарту үшін құқық қорғау және сот органдарына жіберілді.