Бүгін «Астана» Молдованың «Зимбру» клубымен Конференция лигасының екінші іріктеу кезеңі аясында сырт алаңда кездесті, деп хабарлайды turkystan.kz.
Ойын Кишиневтегі «Зимбру» стадионында өтті. Кездесуді бельгиялық төреші Брам ван Дриске бастаған қазылар алқасы басқарды.
Алғашқы таймда алаң иелерінің қақпасына жауапсыз екі гол соғылды. Олар Джеффри Чинеду мен Усман Камараның еншісінде. Екінші таймда қазақстандық клуб басымдығын сақтап, 2:0 есебімен жеңіске жетті.