Қосшы қаласының тұрғыны өз енесінің алтын жүзігін ломбардқа өткізіп, құрбысының алдындағы ақшалай қарызынан құтылған, деп хабарлайды turkystan.kz.
Кейіннен бұл оқиғаны ол ененсінен жасыру үшін үйіндегі заттарды шашып, жалған ұрлық ұйымдастырып, полицияға хабарлаған.
Полиция бөлімі тергеушісінің кәсібилігінің және істі егжей-тегжейлі тергеп-тексеруінің нәтижесінде оқиғаның шынайы мән-жайы анықталды.
Нәтижесінде азаматша «Н» қылмыс жасалғаны туралы көрiнеу жалған сөз жеткiзгені үшін Қылмыстық кодексінің 419-бабының 2-бөлігімен қылмыстық жауапкершілікке тартылды.
Бұндай қылмыс үшін бес жылға дейінгі мерзімге бас бостандығынан айыру жазасы қарастырылғаны туралы прокуратура ескертеді.