АҚШ-тағы Олимпия ұлттық паркінде (Вашингтон штаты) тауда мекендейтін арыстан төрт жастағы балаға шабуыл жасаған. Бұл туралы Mirror басылымына сілтеме жасап хабарлады turkystan.kz.
Оқиға бала ата-анасымен бірге саяхатшыларға арналған соқпақ жолдың бойымен серуендеп жүрген сәтте болған. Жыртқыш жануар, мойнында қарғыбауы болғанына қарамастан, кенеттен балаға тап беріп, оны тістеп алған.
Оқиға орнына дереу құтқару қызметі шақырылып, зардап шеккен бала медициналық тікұшақпен Сиэтлдегі емханаға жеткізілді. Қазір ол жергілікті ауруханада ем алып жатыр. Бала жайлы толық мәліметтер (аты-жөні мен жағдайы) құпия сақталуда.
Шабуылдан кейін бірден парк қызметкерлері арнайы іздестіру жұмыстарын бастап кетті. Оған иісшіл иттер тобы да тартылған. Парк әкімшілігі келушілерге қауіп жоқ екенін мәлімдеді.