Павлодар облысында ұйымдасқан қылмысқа қарсы күрес жөніндегі жедел уәкілдер 70 қылмыстың жолын кесті.
Құқық қорғау органдарының бірінші кезектегі міндеті – ұйымдасқан қылмысқа қарсы күрес. Павлодарлық полицейлер бүгінде қылмыс жасағаны және азаматтардың қауіпсіздігіне қауіп төндіргені үшін жазаның бұлтартпастығы қағидаты бойынша жұмыс жүргізіп жатыр. Атап айтсақ, жедел қызметкерлер ұйымдасқан қылмыстық топты құрғаны және оған қатысқаны үшін 4 қылмыстың жолын кесті.
Прокуратура мен сотты үйлестіру кезінде екі ұйымдасқан қылмыстық топтың қызметі тоқтатылды. Олардың бірі екі жыл бойы бопсалаумен айналысса, екінші топ тelegram мессенджеріндегі интернет-дүкен арқылы психотроптық заттарды таратумен айналысқан. Мәселен, Екібастұзда есірткі заттарын өткізуді ұйымдастырған қылмыстық топ ұсталды, бұл ретте есірткі заттарын өсіру жөніндегі зертхананы жабдықтады. Сондай-ақ қарақшылыққа күдікті адамдар тобы ұсталды.
Ұйымдасқан қылмысқа қарсы күрес бөлімшесінің қызметі – құқық қорғау жүйесінің маңызды бөлігі және заңдылық, объективтілік және тиімділік принциптеріне негізделген. Күнделікті жұмысында олар «Заң мен Тәртіп» қағидатын ұстанады, жаңа технологиялар мен құралдарды белсенді қолданады, олардың көмегімен криминогендік жағдайды талдайды және онлайн ортада қылмыстық әрекетке мониторинг жүргізеді.