Ресей Мемлекеттік Думасында мектеп оқушыларына үй жұмысы керек емес деген ұсыныс көтерілді. Себебі қазіргі балалар оны өзі емес, ChatGPT, DeepSeek секілді жасанды интеллект арқылы орындайды. Ал депутаттардың айтуынша, бұлай үй тапсырмасын беріп, уақыт пен күшті текке кетірудің еш мәні жоқ, деп хабарлайды turkystan.kz gazeta.ru-ға сілтеме жасап.
ПМЭФ форумында сөйлеген депутаттың бірі тіпті былай деген:
"Ұлымның тапсырмасын DeepSeek орындайды, мен ChatGPT арқылы тексерем. Болды."
Яғни, бала өзі ештеңе істемейді, тапсырманы бәрібір ЖИ жасап береді. Мұғалім тек бағасын қояды. Оқушы ше? Оқушы жай бақылап отырады.
Сол себепті:
- Үй тапсырмасын мүлде алып тастау,
- Оның орнына сабақта көбірек практика жасау,
- Баланың мектептен тыс уақытын демалыс пен дамуға арнау керек деген ұсыныс айтылды.