Жаңа зерттеу экрандардан таралатын көгілдір жарықтың адамның шешім қабылдауына қалай әсер ететінін ашып көрсетті. Flinders университетінің ғалымдары жүргізген тәжірибе нәтижесі бойынша, дәл осы көгілдір толқынды жарық адамдарды тәуекелге итермелейтін негізгі факторлардың бірі екен, деп хабарлайды turkystan.kz.
Nature's Scientific Reports журналында жарияланған зерттеуде қатысушыларға казино сценарийлері ұсынылып, әртүрлі жарық жағдайында экономикалық шешімдер қабылдау ұсынылған. Көгілдір жарықтың мол болуы, яғни LED-экрандар мен казино шамдары, адамның пайда мен шығынды қабылдауын өзгерткені анықталған.
«Көгілдір толқынды жарық адамның миында шешім қабылдау мен марапат жүйесін белсендіріп, қауіпке баруға итермелейді», дейді зерттеудің жетекшісі, доктор Алисия Ландер.
Оның айтуынша, бұл құбылыс көзбен көру емес, дененің жарыққа сезімтал ішкі биологиялық сағатымен байланысты реакция, яғни circadian photoreception деп аталады.
Зерттеу көрсеткендей, дәл осы көгілдір жарық шығынға деген сезімталдықты төмендетеді. Яғни адам жеңіліске ұшыраған жағдайда да, оны онша ауыр қабылдамай, тәуекелді шешімдерге бара береді. Бұл әсіресе казино мен онлайн құмар ойын алаңдарында жиі кездеседі. Сол себепті олардың көбісінде жарық көгілдір реңкті болады.