Жетісу облысында сот мас жүргізушіні өмір бойына көлік жүргізу құқығынан айырып, түзеу мекемесіне жіберді, деп хабарлады облыс прокуратурасының сайты.
Бұған дейін 10 жыл мерзімге көлік жүргізу құқығынан айырылған Алакөл ауданының тұрғыны мас күйінде тағы да көлік рөліне отырды.
"Сот үкімімен кінәлі 6 айға бас бостандығынан айырылып, өмір бойы көлік жүргізу құқығынан айырылды", - деп жазылған хабарламада.
Прокуратура ұйымдастырған процеске аудан тұрғындары қатысты.
Еске сала кетейік, мамыр айында Сәтбаев қаласында мас жүргізуші жол жиегінде тұрған екі жасөспірімді қағып кетті. Оқиға қала көшелерінің біріндегі кафенің жанында болған. Жасөспірімдер медициналық тексеруден өтті, олардың денсаулығына қауіп төнбеген. Полицейлер мас жүргізушіні дереу ұстады.