Қазақстаннан Бахрейнге әуе бағыты ашылады, деп хабарлайды turkystan.kz Көлік министрлігіне сілтеме жасап.
Көлік министрлігі ұшулар географиясын кеңейту және қолданыстағы бағыттар бойынша ұшулар санын арттыру бойынша тұрақты жұмыс жүргізәп келеді.
Биыл 5 маусымынан бастап «Fly Arystan» әуе компаниясы Алматы – Манама (Бахрейн) бағыты бойынша маусымдық рейстерді орындай бастайды. Рейстер аптасына бір рет орындалады.
Бахрейнге әуе қатынасының ашылуы екі ел арасындағы туризм, мәдени және сауда-экономикалық ынтымақтастықты одан әрі дамытуға ықпал етеді.