Қарулы күштердің Арнайы операциялар күштерінің командасы 14-ші Warrior Competition 2025 халықаралық жарысына дайындықтың соңғы кезеңінен өтіп жатыр.
Жыл сайын өтетін жарыстар Иорданияда Король Абдалла атындағы Арнайы операциялар күштерін даярлайтын орталықтың полигонында өтеді. Биыл байрақты бәсекеге әлемнің 40-қа жуық елінен мықты деген элиталық бөлімшелердің қатысады деп жоспарлануда.
Әскери қызметкерлер ұрыс жүргізу тактикасын, шабуылдау іс-қимылдарын, атуды, эвакуация элементтерін және топ құрамындағы өзара іс-қимылды пысықтайды.
Дайындық таулы жерлерде, ыстық ауа райында және шектеулі ресурстар жағдайында жүзеге асырылады.
Сабақтар төзімділікті, психологиялық тұрақтылықты және жылдам шешім қабылдауды тексеруге бағытталған.