Головкин Сондерспен жұдырықтаспайтын болды

Орта салмақта WBO белбеуінің иегері Билли Джо Сондерс (24-0, 12 КО) WBA (Super), IBO, WBC және IBF нұсқалары бойынша әлем чемпионы Геннадий Головкинмен жекпе-жегі өтпейтін болды. Бұл туралы vesti.kz хабарлады. Сондерс мәлімдемесінде келіссөздердің не себепті сәтсіз аяқталғанын ашып айтпады. Барлық сұрақтар бойынша өзінің промоутері Фрэнк Уорренге хабарласуды сұрады.  «Жекпе-жек болмайды. Менен емес, Фрэнк Уорреннен сұраңыздар. Болмашы істермен айналысқым келмейді. Tesco (супермаркеттер желісі) дүкендерінен жұмыс іздеп көрсем деймін», – деп жазды Сондерс туиттерінде. Айта кетейік, Головкин-Сондерс айқасы Астанада 17 маусымда EXPO-2017 халықаралық көрмесі кезінде өтетіні хабарланған болатын.