Маңғыстау облысында заңды бұзған туристерді бақылау үшін дрондар қолданыла бастады. Енді от жағып, қоқыс тастап, Қызыл кітапқа енген өсімдіктерді жұлғандар жауапкершілікке тартылады, деп хабарлады turkystan.kz сайты 24.kz телеарнасына сілтеме жасап.
Дрондар Айрақты таулы аймағында сыналды. Ондағы әрбір тау бекініске ұқсайтындықтан бұл жерді "қамал аңғары" деп атап кеткен. Ал көктем бастала салысымен туристер бұл жерге ағылып барады. Сол себепті жергілікті билік ұшқышсыз ұшақтарды үнемі пайдалануды жоспарлап отыр.
«Белгілі бір туристер немесе демалушылар келген кезде көлік нөмірі, демалушылар саны мен тұрғындар анықталады. Олар кеткеннен кейін дрон күні бойы бірнеше рет ұшып тексереді. Егер ол қоқыс немесе лас аймақты анықтаса, материалдар экологиялық заңнама шеңберінде әкімшілік айыппұл немесе басқа да жауапкершілікке тарту шараларын жіберетін құқық қорғау органдарына дереу беріледі», – деді Маңғыстау облысы әкімінің орынбасары Аббат Урисбаев.