Ертең еліміздің басым бөлігінде қолайсыз ауа райы болуы мүмкін. Астана мен 17 облыста дабылды ескерту жарияланды, деп хабарлады turkystan.kz «Қазгидрометке» сілтеме жасап.
Астанада күндіз оңтүстік және оңтүстік-батыстан соғатын желдің екпіні 15-20 м/с жетеді.
Ақмола облысының батысы мен солтүстігінде найзағай ойнайды, күндіз бұршақ жауады. Желдің екпіні 15-20 м/с. Көкшетауда күндіз найзағай ойнайды. Таңертең және күндіз оңтүстік, оңтүстік-батыстан соғатын желдің екпіні 15-18 м/с жетеді.
Қостанай облысының батысында, солтүстігінде және шығысында күндіз найзағай ойнап, бұршақ жаууы мүмкін. Желдің екпіні 15-20 м/с. Қостанайда найзағай ойнайды. Оңтүстік, оңтүстік-батыстан соғатын желдің екпіні 15-20 м/с.
Солтүстік Қазақстан облысында күндіз батыста және солтүстікте найзағай ойнап, бұршақ жаууы мүмкін, шығыста шаңды дауыл соғады. Желдің екпіні 23-28 м/с. Петропавлда күндіз найзағай ойнайды. Оңтүстік-батыстан соғатын желдің екпіні 23-28 м/с.
Павлодар облысында оңтүстіктен жел соғады, солтүстікте күндіз екпіні 15-20 м/с.
Қарағанды облысында желдің екпіні 15-18 м/с. Қарағандыда оңтүстік-шығыстан, күндіз оңтүстіктен жел соғады, кей жерлерде екпіні 15 м/с болады.
Ұлытау облысында желдің екпіні 15-18 м/с жетеді. Жезқазғанда оңтүстік-шығыс, оңтүстік желінің екпіні күндіз 15 м/с жетеді.
Ақтөбе облысының оңтүстігінде, батысында, шығысында найзағай ойнайды. Батыстан, оңтүстік-батыстан соғатын желдің екпіні 15-20 м/с.
Күндіз Батыс Қазақстан облысының батысында, оңтүстігінде және шығысында найзағай ойнайды. Батыста және солтүстікте түнде және таңертең тұман түседі. Желдің екпіні 15-20 м/с. Оралда түнде және таңертең тұман түседі.
Күндіз Атырау облысының батысында өткінші жаңбыр, бұршақ жаууы мүмкін. Батыста, оңтүстікте және шығыста түнде және күндіз найзағай ойнайды. Желдің екпіні 15-20 м/с. Атырауда таңертең және күндіз найзағай ойнайды.
Маңғыстау облысының батысында, солтүстігінде және оңтүстігінде найзағай ойнайды. Солтүстік-батыста тұман түседі. Солтүстік-шығыстан соғатын жел солтүстік-батысқа ауысады, күндіз солтүстікте желдің жылдамдығы 15-20 м/с. Солтүстік-шығыс пен шығыста жоғары өрт сақталады.
Шығыс Қазақстан облысында түнде және таңертең солтүстік пен шығыста тұман түседі. Оңтүстік-шығыстан 9-14 м/с жел соғады. Ауа температурасы түнде 2-7 градус жылы, облыстың шығысында 3 градус аяз, күндіз 21-26, облыстың шығысында 10-15 градус жылы.
Өскеменде 26 сәуір күні сағат 08:00-ге дейін күтілетін қолайсыз ауа райына байланысты екінші дәрежелі қолайсыз метеорологиялық жағдай туралы ескерту күшінде қалады.
Алматы облысының таулы аймақтарында күндіз найзағай ойнайды. Күндіз таулы аймақтарда шығыс, оңтүстік-шығыстан жел соғады, екпіні 15-20 м/с.
Жетісу облысының таулы аймақтарында күндіз найзағай ойнайды. Шығыстан соғатын желдің екпіні 15-20 м/с.
Жамбыл облысының таулы аймақтарында күндіз найзағай ойнайды. Таулы аймақтарда тұман түседі. Солтүстік-шығыстан соғатын жел оңтүстік-батысқа соғады, солтүстік-шығыста, таулы аймақтарда екпіні 15-20 м/с.
Күндіз Қызылорда облысының батысында, солтүстігінде және орталығында найзағай ойнайды. Күндіз солтүстікте, орталықта шаңды дауыл соғады. Оңтүстіктен жел соғады, күндіз солтүстікте, орталықта 15-20, екпіні 23 м/с. Облыста және Қызылорда қаласында өрт қаупі жоғары болады. Қызылордада күндіз шаңды дауыл тұрады. Күндіз оңтүстіктен жел соғады, екпіні 15-20 м/с.
Түркістан облысында оңтүстік, оңтүстік-батыстан соғатын желдің екпіні күндіз тау асуларында 15-20 м/с болады. Батыста, шөлейт аймақтарда өрт қаупі жоғары деңгейде сақталады. Түркістан қаласында жоғары өрт қаупі сақталады.