Биылдан бастап елімізде жол жөндеу жұмысында Superpave (“суперасфальт”) технологиясы қолданыла бастайды. Бұл туралы «ҚазжолҒЗИ» АҚ вице-президенті Ерік Әмірбаев мәлім етті.
«Бұл әдіс бүгінде АҚШ пен басқа да елдерде кеңінен қолданылады. Оның Қазақстанда бейімделуі елге автомобиль жолдарын салудың халықаралық стандарттарына көшуге мүмкіндік береді. Қазақстанда оны бейімдеу халықаралық стандарттарға көшуге мүмкіндік береді», – дейді Ерік Әмірбаев.
2025 жылы Superpave технологиясы мына автожол учаскелерінде қолданылмақ:
- KZ05-03 «Қонаев – Құрты» автожолы, 0–67 км (1 км учаске) – қайта жаңғырту жұмыстары;
- KAZ14 «Қызылорда – Жезқазған – Қарағанды – Шідерті» автожолы, 24–76 км (1 км учаске) – қайта жаңғырту жұмыстары;
- KAZ06 «Алматы – Көкпек – Шонжы – Көктал – Хоргос» автожолы, 14–43 км (1 км учаске) – орташа жөндеу;
- KAZ11 «Доссор – Құлсары – Бейнеу – Сай-Өтес – Шетпе – Жетібай – Ақтау порты» автожолы (Шетпеге кіреберіс және Жетібай арқылы өтетін бөлігін қоса алғанда), 101,2–102,2 км, 119,6–122 км, 171,6–210 км (1 км жалпы учаске) – орташа жөндеу;
- KZ10-03 «Денисовка – Тавриченко – Аршалы – Комаровка» автожолы, 0–28 км (1 км учаске) – орташа жөндеу;
- KAZ08 «Алматы – Өскемен – Шемонаиха – РФ шекарасы» автожолы, 1115–1130 км (1 км учаске) – орташа жөндеу;
- KAZ01 «Астана – Қарағанды (айналма жолмен) – Алматы» автожолы, 856–913 км (1 км учаске) – күрделі жөндеу.
Келтірілген дерекке сүйенсек, Superpave — AASHTO (АҚШ) әзірлеген асфальтбетон қоспаларын жобалау жүйесі. Ол климаттық жағдайлар мен көлік қозғалысының қарқынын ескере отырып, температура ауытқуы мен ауыр жүктемелерге төзімді жол жабындарын жасауға мүмкіндік береді.
Бұл технология АҚШ, Канада, Қытай және Еуропа елдерінде сәтті қолданылып жатыр.
«Қазақстан үшін бұл тек жол сапасын арттыру ғана емес, сонымен қатар халықаралық стандарттарға көшуге жасалған маңызды қадам», – деп есептейді мамандар.