6 сәуірде сағат 13:44-те Екібастұз қаласы 2-МӨСБ «101» пультіне ескі зират аумағында құрғақ шөп жанды, деп хабарлады turkystan.kz сайты.
Төтенше жағдайлар департаментінің мәліметінше, құрбандар мен зардап шеккендер жоқ.
Өрт сөндірушілердің үйлесімді жұмысының нәтижесінде өрт сағат 17:30-да толықтай жойылды.
«Шақыру орнына келген өрт сөндірушілер 500 шаршы метр аумақта құрғақ шөп жанып жатқанын анықтады», – дейді департаментте.
Айта кетейік, ТЖД өрт қауіпсіздігі ережелерін қатаң сақтау қажеттігін еске салады. Өрт болған жағдайда жедел түрде 101 немесе 112 нөміріне хабарласуды сұрайды.