Жұмыспен қамту шараларымен 32 мың адамды қамту көзделген.
Биыл Алматыда 87 мыңнан астам жаңа жұмыс орнын ашу жоспарланған, оның 84%-ы тұрақты болады. Бұл туралы қалалық Жұмыспен қамту және әлеуметтік бағдарламалар басқармасы хабарлады.
Жұмыспен қамту шараларымен 32 мың адамды қамту көзделген, оның ішінде:
- 10,6 мың адам – тұрақты жұмысқа орналасады
- 8,7 мың адам – субсидияланған жұмыс орындарын алады
Бұған қоса, 7 мың адам білім беру бағдарламаларына қатысады. Олар қысқа мерзімді курстардан өтеді (оның ішінде enbek.kz платформасында) және «Бастау Бизнес» жобасына қатысады.
Кәсіпкерлік бастамаларды қолдау мақсатында 400 АЕК-ке дейінгі гранттар қарастырылған.
Еске сала кетейік, 2024 жылы Алматыда 85 мыңға жуық жұмыс орны ашылып, бұл жұмыссыздық деңгейін 4,6%-ға дейін төмендетуге ықпал етті.