Қарағанды облысының білім саласында 300 миллион теңгеден астам ұрлық фактісі анықталды, деп хабарлады turkystan.kz.
Қарағанды облысының прокуратурасы «№33 мектеп-бөбекжай-бақша кешені» КММ-де бюджет заңнамасының сақталуына тексеру жүргізген.
«Тексеріс барысында аталған мекеменің екі есепшісінің 15 жыл бойы өздеріне белгіленген нормадан артық жалақыны заңсыз аударғандығы анықталды. Ұрлықтың сомасы 300 миллион теңгеден асты», - деп жазылған Бас прокуратура таратқан хабарламада.
Аталған факті бойынша сотқа дейінгі тергеу амалдары жүргізілуде.