6 наурыз күні сағат 08:25 шамасында Алматы облысы Ұзынағаш ауылында сүзгі алқаптарының қорғаныс бөгеті бұзылған.
Апат салдарынан 30 тұрғын үйдің ауласы су астында қалды.
«Қорғаныс бөгеттерін нығайту, сондай-ақ ағынды суларды тұрғын үйлерден бұру жұмыстары жүргізіліп жатыр», — деп хабарлады облыстық әкімдік.
Төтенше жағдайдың салдарын жою үшін 5 арнайы техника жұмылдырылып, қосымша тағы 5 техника шақырылды.