Алматыда Конгресс орталық салынады

Қала инженерлік инфрақұрылым мен көркейтуге қаражат бөледі, сондай-ақ жеке демеушілердің қаржысы тартылады.

Конгресс орталық Таулы қырат шағын ауданында бой көтереді және мемлекеттік меншікте болады. Бұл туралы Алматы әкімі Ерболат Досаев мәлімдеді.

Қала инженерлік инфрақұрылым мен көркейтуге қаражат бөледі, сондай-ақ жеке демеушілердің қаржысы тартылады.

«Жер телімдерін сатып алу белгіленген тәртіп бойынша жүзеге асырылады. Ұсынылған бағаға келіспегендер сотқа жүгіне алады. Кейбір жер иелерімен қажетті келісімдер жасалып, төлемдер жүргізілді. Ең бастысы, жердің негізгі бөлігі қазірдің өзінде қаланың меншігінде. Біз тұрғындардың құқығын ешқандай жағдайда бұзбаймыз», - деді әкім.

Ерболат Досаев қазіргі уақытта Алматыда Конгресс орталықтың жоқ екенін атап өтті. Сонымен қатар, әкім коммерциялық жылжымайтын мүлік бой көтереді деген жалған ақпаратты жоққа шығарып, тек Конгресс орталық салынатынын айтты.