Елорданың оң жалауында орналасқан сауда-ойын орталығының құрылысы бірнеше жылдан бері тұралап тұр.
Құрылыс нысаны 13 500 000 000 теңгеге бағаланған.
«Сити палас» көпфункционалды сауда және ойын-сауық орталығының аяқталмаған құрылыс нысаны сатылады. Құрылыс-монтаж жұмыстары жүріп жатқан жоқ», - делінген krisha.kz сайтындағы хабарламада.
Сондай-ақ, жылжымайтын мүлік нарығында қолданыстағы бағаға байланысты құны өзгеруі мүмкін екендігі айтылған.
Айта кеткен жөн, хабарландыруда нысан құрылысының қолданысқа қаншалықты дайын екендігі пайызбен көрсетілген. Оның ішінде іргетасы — 100%, қабырғалары — 100%, шатыры — 20-30%, едені -100%, ішкі бөліктері — 90%, сыртқы әрлеуі — 85%, ішкі инженерлік желілері — 20%, абаттандыру — 40%-ға дайын.