Атырауда екі жұмысшы 5-қабаттан құлап кетті

Оқиға салдарынан 43 жастағы ер адам ауыр жарақаттан оқиға орнында қаза тапты.

Бұл туралы Атырау облысы Полиция департаменті хабарлады.

20 қаңтар күні сағат 11:15-те қала аумағында орналасқан тұрғын үй кешенінің құрылыс алаңында екі жұмысшы 5-қабаттан құлаған.

Оқиға салдарынан 43 жастағы ер адам ауыр жарақаттан оқиға орнында қаза тапты. Ал 33 жастағы ер адам түрлі дене жарақаттарымен облыстық ауруханаға жеткізілді.

Қазіргі уақытта сот-медициналық сараптама тағайындалып, қылмыстық іс бойынша кешенді тергеу амалдары жүргізілуде.