Астана-Бурабай автожолында 500 көлік кептеліп қалды

Бұған ауа райының қолайсыздығы себеп болған.

Бүгін Астана-Бурабай автожолдарында ауа-райының нашарлауы нәтижесінде 500-ден астам автокөлік жиналды, деп хабарлады turkystan.kz.

ТЖМ құтқарушылары алдын алу жұмыстарын жедел жүргізуінің арқасында 320 машинаны қайтаруға мүмкіндік туды.

"Жүргізушілер мен жолаушыларды қолдау мақсатында трассада еріктілермен және жергілікті атқарушы органдармен бірлесіп ыстық тамақ ұйымдастырылды. Жылыту пункттерінде 30 адам уақытша орналастырылған, олар да ыстық тамақпен қамтамасыз етілген", – деп жазылған ТЖМ баспасөз қызметі таратқан хабарламада.