"Мемдер" арқылы алған ақпарат 21%-ға жақсы қабылданады – зерттеу

Мемдер тек күлу үшін ғана емес, олар білім алуға және күрделі ғылыми фактілерді түсінуге көмектеседі. Филиппин ғалымдарының зерттеуі ақпарат мемдер арқылы жеткізілгенде, оның 21%-ға жақсы қабылданатынын көрсетті.

Бұл тәсіл әсіресе студенттер арасында танымал болып келеді. Оқытушылар мемдерді пайдалану арқылы сабақтарды қызықтырып қана қоймай, ақпаратты жеңіл есте сақтауға мүмкіндік береді.

Мысалы, биология, химия немесе физика сияқты күрделі пәндердегі анықтамалар мен ережелер мемдер арқылы түсіндірілсе, студенттер оларды жылдамырақ меңгереді. Зерттеушілер бұл әдісті мектептер мен университеттерде кеңінен қолдануды ұсынады.

Қазіргі уақытта білім беруде шығармашылық тәсілдер сұранысқа ие. Мемдер оқыту үдерісін заманауи әрі тиімді етуге көмектесетін құралдардың бірі болып отыр.