Қостанай облысында ер адам қару сақталған сейфті ұрлаған

Ол Ашутасты ауылының тұрғынының үйінен 12 калибрлі екі мылтығы бар сейфті ұрлап әкеткен.

Арқалықта полицейлер азаматтық қаруы бар сейфтің ұрлығын ашты.

Қылмыс күдігі бойынша криминалдық полиция қызметкерлері бұрын сотталған 34 жастағы Арқалық қаласының тұрғынын анықтап, ұстады.

Ол Ашутасты ауылының тұрғынының үйінен 12 калибрлі екі мылтығы бар сейфті ұрлап әкеткен.

Қару заңға сәйкес сақталды, қабырғаға және еденге бекітілген сейфте болған.

Күдікті қылмыс жасағанын мойындады, ұрланған мүлік тәркіленді. Ер адам ұсталып, уақытша ұстау изоляторына орналастырылды.

Оған қатысты сотқа дейінгі тергеп-тексеру басталды. Қаруды ұрлау ауыр қылмыс болып табылады,оның жазасы 3 жылдан 7 жылға дейін бас бостандығынан айыру көзделеді.