ШҚО-да көшкін қаупіне байланысты жол жабылды

Жолды 20 қаңтар күні таңғы сағат 6-да ашу жоспарланып отыр

Өскемен – Алтай – Үлкен Нарын – Катонқарағай – Рахман қайнары тасжолының белгілі бір бөлігінде барлық көлік түрлеріне шектеу енгізілді.

«ҚазАвтоЖол» компаниясының мәліметінше, 19 қаңтар күні сағат 19:00-ден бастап Өскемен – Алтай – Үлкен Нарын – Катонқарағай – Рахман қайнары тасжолының 6-66 шақырымында және Ушановское ауылынан Серебрянск қаласына дейінгі учаскесінде барлық автокөлік түрлерінің қозғалысына шектеу енгізілді.

Жолды 20 қаңтар күні таңғы сағат 6-да ашу жоспарланып отыр. Қосымша ақпаратты тәулік бойы жұмыс істейтін 1403 нөміріндегі колл-орталықтан білуге болады.