Сандуғаш Кенжебаева екінші рет Түркиядағы жарыстың жеңімпазы атанды

Қазақстандық-чехиялық жұп матчта 1:6, 6:1, 10:8 есебімен жеңіске жетті

Қазақстандық 19 жастағы теннисші Сандуғаш Кенжебаева Түркияның Анталия қаласында өткен ITF W15 турнирінің жұптық сайысында чемпион атанды.

Сандуғаш чехиялық 18 жастағы әріптесі Элиска Тихачковамен бірге финалда жарыстың 2-ракеткалары, германиялық Софи Стойер мен бельгиялық Амели Ван Импеге қарсы ойнады.

Қазақстандық-чехиялық жұп керемет камбэк жасап, бір сағаттан сәл асқан матчта 1:6, 6:1, 10:8 есебімен жеңіске жетті.