Екібастұзда полиция капитаны жұмыс көлігімен жол ережесін бұзған

Капитанға қатысты ҚР ӘҚБтК-нің 597-бабының 1-бөлігі бойынша әкімшілік хаттама толтырылып, 19 660 теңге айыппұл салынды

Екібастұзда жол ережесін бұзған полиция капитанына айыппұл салынды.

Pavlodarnews.kz мәліметінше, әлеуметтік желіде патрульдік полиция көлігінің жүргізушісі жол ережесін өрескел бұзған сәті түсірілген видео тараған.

Облыстық полиция департаментінің хабарлауынша, Chevrolet Cobalt қызметтік көлігімен қала көшелерін аралап жүрген патрульдік полиция ротасының инспекторы, полиция капитаны Сенбаев қызмет барысында көлікті тоқтату және қою ережелерін сақтамаған.

Капитанға қатысты ҚР ӘҚБтК-нің 597-бабының 1-бөлігі бойынша әкімшілік хаттама толтырылып, 19 660 теңге айыппұл салынды.