Синоптиктер келесі аптада қалың қар жауып, 20-35 градус аяз болатынын ескертті.
22 қаңтардан бастап түнде температура айтарлықтай төмендейді:
- батыста температура 10-20 градус аяз;
- солтүстік батыс пен солтүстікте 20-30 градус аяз;
- орталық пен шығыста 25-35 градус аяз;
- оңтүстікте 12-25 градус аяз.
Атлант мұхитынан келген ылғалға толы циклон Қазақстан аумағындағы ауа райына ықпал етеді. Циклонның ағынды бөліктері қар, бұрқасын әкеледі, еліміздің батысы мен оңтүстігінде, ал 20-21 қаңтарда солтүстік өңірлерде қар аралас жаңбыр жаууы ықтимал.
Елімізде жел күшейіп, тұман түседі және көктайғақ болады.
18 қаңтарда Түркістан облысында түнде қатты жауын-шашын түседі.
20 қаңтарда Ұлытау, 21 қаңтарда Ақтөбе, Қостанай және Солтүстік Қазақстан облыстарында, 21-22 қаңтарда Ақмола облысында, 22 қаңтарда Павлодар, Қарағанды, Түркістан, Жамбыл және Абай облыстарында қалың қар жауады. 22-23 қаңтарда Шығыс Қазақстан, Алматы және Жетісу облыстарында қалың қар түседі.