13 қаңтар күні, Италияның Турин қаласында ХХХІІ Дүниежүзілік қысқы студенттік ойындарының салтанатты ашылу рәсімі өтті.
Еліміздің туын хоккейші Абылайхан Сүлейменов пен фристайл шебері Аяулым Әмренова ұстап шықты.
Қазақстанның намысын 10 спорт түрінен (биатлон, шаңғы жарысы, қысқы спорттық бағдарлау, фристайл, мәнерлеп сырғанау, шайбалы хоккей (ерлер, әйелдер), парашаңғы жарысы, тау шаңғысы жарысы, шорт-трек) 103 спортшы қорғайды.