Қостанайда желтоқсан айында жоғалып кеткен ер адамның мәйіті табылды
Қазіргі уақытта оқиғаның барлық мән-жайын анықтау үшін тергеу жұмыстары жүргізілуде
Қостанай облысында желтоқсан айының соңында жоғалып кеткен ер адамның қаза тапқаны белгілі болды, деп хабарлады “ТоболИнфо”.
23 желтоқсанда Тобыл ауылының тұрғыны Ерден Ольмисеков үйінен шығып кетіп, сол күннен бері хабар-ошарсыз кеткен.
Оның денесі Бейімбет Майлин ауданына қарасты Новоильиновка ауылындағы темірбетон зауытының аумағынан табылды. Алдын ала ақпарат бойынша, зорлықпен өлтіру белгілері анықталған жоқ.
Қазіргі уақытта оқиғаның барлық мән-жайын анықтау үшін тергеу жұмыстары жүргізілуде.